A COMPARACIÓN |
A comparación é un recurso para establecer unha relación entre dúas ou máis proposicións. Esta relación pode ser de igualdade, superioridade ou inferioridade. Algúns adxectivos presentan unha forma sintética para o comparativo de superioridade e para o superlativo. Son os seguintes:
comparativo |
superlativo |
|
bo | mellor | óptimo |
malo | peor | pésimo |
grande | maior/meirande1 | máximo |
pequeno | menor | mínimo |
alto | superior | supremo |
baixo | inferior | ínfimo |
A comparación analítica é aquela que realizamos mediante construccións complexas, as
frases comparativas. Segundo a relación establecida pode ser:
Constrúese baixo esta estructura:
TAN/TAL/TANTO
+ adx. + COMA/COMO + segundo elemento
En moitos casos pode empregarse indistintamente COMA ou COMO na segunda parte da
comparación, pero noutros casos é obrigatorio o uso dunha delas. Emprégase COMA diante
de calquera elemento que non sexa unha forma verbal e o seu uso é obrigatorio diante dos
pronomes persoais. COMO é obrigatorio diante de verbos e tamén pode anteceder a calquera
palabra que non sexa un pronome persoal.
Exemplos:
Ninguén sabe deste
tema tanto coma ti. ( obrigatorio por ir diante de pronome persoal )
Fíxeno tan ben como souben. (
obrigatorio por ir diante dun verbo)
Xoán é tan simpático coma/como Xosé. ( neste caso teño posibilidade de
elección)
Este é o esquema da súa
construcción:
MÁIS + adx.
+ CA/ QUE / DO QUE + segundo elemento
Pode empregarse CA diante de calquera elemento que non sexa un verbo e o seu uso é
obrigatorio diante de pronomes persoais. Cando o segundo elemento é un verbo temos que
empregar DO QUE obrigatoriamente. A forma QUE usarémola en certos casos onde o emprego de
CA non soa demasiado ben.
Exemplos:
Ti sempre tes máis cartos ca min. ( obrigatorio por ir diante de pronome persoal )
Había moita menos xente do que pensaba. ( obrigatorio por ir diante de verbo )
Gústalle máis o caldo con repolo que con grelos. ( neste caso empregamos QUE
porque CA non soaría ben )
Constrúese igual cá de superioridade, empregando MENOS
en lugar de MÁIS.
A partícula CA contrae coas formas do artigo determinado:
o | a | os | as | |
ca | có | cá | cós | cás |
Pero ¡atención! : a partícula CA non contrae na escrita coa preposición A nin coas contraccións de preposición + artigo: ó, á, ós, ás.
Exemplos:
Gústanme máis as mazás cás laranxas.
Sempre prepara mellor o peixe cá carne.
Gústame máis a min ca a ti. ( non se fai a contracción porque A é aquí preposición )
Dálle máis ás nenas ca ós nenos. ( tampouco se fai a contracción)